Stefano Pioli duhet të luftojë për punën e tij te Milani, pasi thuhet se kuqezinjtë kishin vendosur ‘praktikisht të shkarkonin’ trajnerin italian në dhjetor.
Kontrata e Piolit me Milanin skadon në qershor 2025 dhe pavarësisht raporteve në rritje për largimin e tij në fund të sezonit, presidenti Paolo Scaroni dhe drejtori Giorgio Furlani kanë konfirmuar së fundmi besimin e tyre te trajneri emilian.
Megjithatë, sipas Calciomercato.com, gjigantët e Serie A kishin vendosur praktikisht të shkarkonin trajnerin e tyre në dhjetor pas një barazimi ‘zhgënjyes’ 2-2 kundër Salernitana në Stadio Arechi.
Por, mungesa e zëvendësimeve bindëse dhe mbështetja nga lojtarët më me përvojë të Milanit thuhet se e bindi klubin të konfirmonte Piolin deri në fund të sezonit.
Sipas raportit, shanset e Piolit për të qëndruar në krye të Rossonerëve sezonin e ardhshëm janë mjaft të ulëta, edhe nëse 58-vjeçari fiton Ligën e Evropës ose titullin e Serie.
Raporti përmend emra si Antonio Conte, Thiago Motta, Roberto De Zerbi dhe Julen Lopetegui si trajnerë me ‘karakteristika interesante’ për drejtuesit e klubi nga Casa Milan. /Telegrafi/
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite